रामचरितमानस: बालकाण्ड	Ramcharitmanas: Balkand
रघुबंसिन्ह महुँ जहँ कोउ होई। तेहिं समाज अस कहइ न कोई॥ कही जनक जसि अनुचित बानी। बिद्यमान रघुकुल मनि जानी॥ सुनहु भानुकुल पंकज भानू। कहउँ सुभाउ न कछु अभिमानू॥ जौ तुम्हारि अनुसासन पावौं। कंदुक इव ब्रह्मांड उठावौं॥ काचे घट जिमि डारौं फोरी। सकउँ मेरु मूलक जिमि तोरी॥ तव प्रताप महिमा भगवाना। को बापुरो पिनाक पुराना॥ नाथ जानि अस आयसु होऊ। कौतुकु करौं बिलोकिअ सोऊ॥ कमल नाल जिमि चाफ चढ़ावौं। जोजन सत प्रमान लै धावौं॥ दोहा- तोरौं छत्रक दंड जिमि तव प्रताप बल नाथ। जौं न करौं प्रभु पद सपथ कर न धरौं धनु भाथ॥२५३॥
स्रोत: विकिपीडिया पूरा पढ़ें